Fernando Torres, fyrrum leikmaður Liverpool, vonar að félagið nái að vinna ensku úrvalsdeildina á tímabilinu.
Torres hefur leikið með bæði Chelsea og Liverpool á Englandi en hann kýs það síðarnefnda frekar þegar kemur að titlinum.
Spánverjinn vonar þó að Chelsea komi svo sterkt til baka og vinni deildina á næstu leiktíð.
,,Hjá Chelsea eru ennþá leikmenn sem ég spilaði með en enginn hjá Liverpool – bara Alberto Moreno sem ég spilaði með í landsliðinu,“ sagði Torres.
,,Ég er ennþá í sambandi við starfsfólkið þar svo ég óska þeim alls hins besta. Ég veit hversu mikilvægt það er fyrir liðið að vinna deildina.“
,,Vonandi geta þeir unnið hana á þessu tímabili en Chelsea kannski ári seinna.“
