Paul Pogba, leikmaður Manchester United, mætti sínum fyrrum félögum í Juventus á miðvikudag.
Pogba var frábær fyrir ítalska félagið á sínum tíma áður en hann samdi við United á ný árið 2016.
Hans er sárt saknað í Túrin og hefur verið orðaður við endurkomu undanfarnar vikur.
Ítalskir miðlar greina frá því í dag að Pogba hafi rætt stutt við stuðningsmenn Juventus eftir 2-1 sigur United í vikunni.
,,Já, ég vil snúa aftur,“ á Pogba að hafa sagt við stuðningsmennina sem vildu ítrekað fá svar við spurningunni.
Það er þó ekki ljóst hvort Pogba sé að tala um endurkomu á næstunni eða bara áður en ferlinum lýkur.
