AC Milan 0-2 Juventus
0-1 Mario Mandzukic(8′)
0-2 Cristiano Ronaldo(81′)
Það fór fram stórleikur í ítölsku úrvalsdeildinni í kvöld er AC Milan fékk meistara Juventus í heimsókn.
Gestirnir voru ekki lengi að komast yfir en Mario Mandzukic skoraði fyrsta mark leiksins eftir átta mínútur.
Milan fékk svo vítaspyrnu undir lok fyrri hálfleiks og steig Gonzalo Higuain á punktinn gegn sínum gömlu félögum.
Higuain tókst hins vegar ekki að skora úr spyrnunni en Wojciech Szczesny varði frá honum.
Cristiano Ronaldo bætti svo við öðru marki Juventus undir lok leiksins og stuttu seinna fékk Higuain rautt spjald.
Higuain fékk tvö gul spjöld en þau voru bæði fyrir að rífast við dómara leiksins sem fékk á endanum nóg.
Það er því óhætt að segja að þetta hafi verið martröð fyrir Higuain gegn sínum gömlu félögum.