Danny Welbeck, leikmaður Arsenal á Englandi, er ökklabrotinn en þetta var staðfest í kvöld.

Unai Emery, stjóri Arsenal, staðfesti meiðsli Welbeck eftir 1-1 jafntefli við Wolves í ensku úrvalsdeildinni.

Welbeck var í byrjunarliði Arsenal á fimmtudaginn er liðið gerði markalaust jafntefli við Sporting í Evrópudeildinni.

,,Meiðsli Danny eru alvarleg. Við ræddum við hann í dag og í gær. Við styðjum við bakið á honum en ég held að hann verði ekki með okkur í langan tíma,“ sagði Emery.

Óvíst er hversu lengi Welbeck verður frá nákvæmlega en hann ætti að missa af nokkrum mánuðum eftir aðgerð.