Arsene Wenger, fyrrum stjóri Arsenal, hefur verið orðaður við ófá lið undanfarna mánuði.
Wenger er án félags eftir að hafa yfirgefið Arsenal í sumar en hann starfaði hjá enska félaginu í heil 22 ár.
Wenger var sagður vera að taka við AC Milan á dögunum en hann harðneitaði fyrir þær sögusagnir.
Frakkinn er einnig orðaður við stórlið Real Madrid en hann segir að það sé ekkert til í því heldur.
,,Ég hef ekki ákveðið hvað framtíðin ber í skauti sér,“ sagði Wenger í samtali við beIN Sports.
,,Fer ég beint í stjórastólinn eða ekk? Real Madrid hefur ekki heyrt í mér svo ég hef ekki þurft að hafna þeim.“
,,Ég mun ákveða næsta skref mitt í janúar.“