Patrick Vieira, stjóri Nice í Frakklandi, horfir þessa stundina til Liverpool og er á eftir leikmanni liðsins.

Þetta segja belgískir fjölmiðlar en Vieira er talinn vilja fá markvörðinn Simon Mignolet í janúar.

Mignolet fær lítið að spila hjá Liverpool þessa dagana og er varamarkvörður fyrir hinn brasilíska Alisson.

Mignolet gæti viljað fara annað í janúarglugganum en hann hefur ekki fengið að byrja deildarleik á tímabilinu.

Þessi þrítugi markvörður var áður aðalmaðurinn á Anfield en missti sæti sitt til Loris Karius og svo síðar Alisson.

Vieira og félagar hafa verið í basli á leiktíðinni og sitja í níunda sæti deildarinnar.