Jadon Sancho er nafn sem margir hafa fengið að kynnast síðustu vikur en hann spilar með Borussia Dortmund.
Sancho er þó enskur en hann kom til Dortmund frá Manchester City á síðasta ári. Hann lék sinn fyrsta landsleik á dögunum.
Sancho hefur verið duglegur að leggja upp og skora mörk á tímabilinu og er orðaður við bæði Paris Saint-Germain og Manchester United.
Strákurinn er þó ekki að flýta sér burt og segist skulda þýska félaginu mikið.
,,Ég er ekkert að hugsa um það að breyta til,“ sagði þessi 18 ára gamli leikmaður við Sky Sports.
,,Ég skulda Dortmund mikið og ég er með mikið sem ég vil afreka hjá félaginu. Ég er ánægður hér og það er ekki langt síðan ég skrifaði undir.“