Martin Keown, fyrrum leikmaður Arsenal, var vonsvikinn með framherjann Pierre-Emerick Aubameyang í gær.
Aubameyang fékk nokkur tækifæri til að skora í markalausu jafntefli gegn Sporting í Evrópudeildinni en kom knettinum ekki í netið.
Keown segir að Aubameyang hafi ollið vonbrigðum eftir að hafa komið inná fyrir Danny Welbeck í fyrri hálfleik.
,,Aubameyang olli þeim vonbrigðum fyrir framan markið,“ sagði Keown í setti BT Sport.
,,Ég er mikill aðdáandi hans en eftir meiðsli Welbeck þá held ég að hann hafi ekki verið andlega tilbúinn og hefði klárað þessi færi á öðrum degi.“
,,Hann er sá leikmaður sem kemst næst Thierry Henry síðan hann yfirgaf félagið. Hann er í alvöru það góður.“