Sóknarmaðurinn Ousmane Dembele hefur ekki þótt haga sér vel síðan hann samdi við stórlið Barcelona.
Dembele samdi við Barcelona á síðasta ári en hann kostaði 105 milljónir punda og var áður hjá Borussia Dortmund.
Spænsku miðlarnir Marca og Mundo Deportivo greina frá því í dag að Dembele hafi ekki ætlað að mæta á æfingu á fimmtudag.
Greint er frá því að Dembele sé lítillega meiddur og gat ekki mætt en hann ákvað að láta félagið ekki vita. Leitað var að leikmanninum í einn og hálfan tíma áður en hann fannst.
Starfsmenn Barcelona reyndu að hringja í Dembele sem svaraði þó ekki símanum sem er óásættanlegt.
Dembele hefur áður komist í fréttirnar fyrir slæmt mataræði og ákvað hann einnig að hætta að læra spænska tungumálið.