Jurgen Klopp, stjóri Liverpool, viðurkennir að sínir menn hafi bæði verið heppnir og óheppnir á tímabilinu.
Klopp segir að Liverpool hafi fengið nokkrar ákvarðanir dæmdar sér í hag í byrjun leiktíðar en ræðir svo tvö önnur atvik sem komu upp nýlega.
Sérstaklega þá talar Klopp um markið sem Sadio Mane skoraði gegn Arsenal á dögunum en það var dæmt af vegna rangstöðu.
,,Í byrjun tímabils komu upp ein eða tvær stöður þar sem við vorum heppnir með dómgæslu,“ sagði Klopp.
,,Í leiknum gegn Arsenal og svo gegn Cardiff, þá var markið þeirra rangstaða. Enginn spurði mig út í það eftir leikinn.“
,,Gegn Arsenal skoruðum við löglegt mark. Eftir leikinn var bara sagt ‘Klopp segir að þetta hafi verið mark.’ Hver hefur áhuga á því sem ég hef að segja?„