Dani Alves, bakvörður Paris Saint-Germain, vildi komast til Chelsea fyrir 11 árum síðan og vinna með Jose Mourinho.
Alves greinir sjálfur frá þessu í dag en hann var á þessum tíma á mála hjá Sevilla.
Mourinho vildi fá Alves árið 2007 en félagið tók ákvörðun um að hætta við að kaupa Brasilíumanninn.
Alves segir að það hafi ekki verið sín ákvörðun en ári seinna var hann farinn til Barcelona.
,,Ég fór ekki til Chelsea vegna félagsins, það var ekki mín ákvörðun,“ sagði Alves við Sky Sports.
,,Ég hélt að þessi skipti væru klár og að ég væri að fara þangað til að vinna með Mourinho.“
,,Ég veit ekki hvort hann hafi fengið aðrar upplýsingar, að ég hafi ekki viljað fara eða eitthvað því eftir þetta var samband okkar ekki gott en þetta var ekki mér að kenna.“
