Það var hart tekist á þegar Juventus tók á móti Manchester United í Meistaradeild Evrópu í gær. United byrjaði með ágætum en fljótlega fór Juventus að taka undirtökin, það var svo Cristiano Ronaldo sem kom Juventus yfir. Hann hamraði boltann í net United í síðari hálfleik.
Allt stefndi í sigur Juventus þegar hinn snjalli, Juan Mata skoraði beint úr aukaspyrnu. Hann hafði komið inn sem varamaður í leiknum. Það var svo á 90 mínútu sem United tryggði sér sigur en það var sjálfsmark hjá Alex Sandro sem gerði það. United með sjö stig en Juventus með níu stig á toppnum. Bæði lið tryggja sig áfram í næstu umferð með sigri.
Meira:
Sjáðu hvað Mourinho gerði eftir leik: Allt varð vitlaust
Eftir leik gekk Jose Mourinho, stjóri United inn á völlinn og var að biðja þá sem að efast um að halda áfram að tala. Leonardo Bonucci og aðrir leikmenn Juventus voru óhressir með hegðun hans en gæslan kom öllu í ró.
,,Skilur þú ítölsku?,“ sagði Mourinho og fréttamaðurinn svaraði neitandi.
Mourinho ákvað þá að bomba á enska knattspyrnusambandið sem reynir að koma honum í bann fyrir hluti sem hann sagði á móðurmáli sínu.
,,Fáðu enska sambandið til að þýða þetta fyrir,“ sagði Portúgalinn og grenjaði úr hlátri.
Sjáðu þessi ummæli Mourinho hér að neðan.
Jose Mourinho’s a savage ??? #mufc pic.twitter.com/DbCSZQQwcZ
— United Xtra (@utdxtra) November 7, 2018
Meira:
Sjáðu hvað Mourinho gerði eftir leik: Allt varð vitlaust