Maurizio Sarri, stjóri Chelsea, hefur greint frá því hvað hann sé búinn að banna á æfingasvæði félagsins.
Sarri bannar leikmönnum Chelsea að lyfta lóðum á æfingum félagsins en hann var spurður út í framherjann Alvaro Morata í dag.
Morata er ekki með Chelsea gegn BATE Borisov í kvöld en liðin eigast við í Evrópudeildinni.
Morata mun æfa einn í London á meðan liðsfélagarnir eru í Hvíta-Rússlandi en hann fær hvíld eftir álag undanfarið.
,,Hann mun ekki lyfta lóðum. Í dag mun hann vinna í styrktaræfingum en við notum aldrei lóð,“ sagði Sarri.
,,Allt sem við vinnum í er náttúrulegt. Það er enginn að lyfta. Ég hef aldrei séð leikmann með lóð á vellinum.“