Mesut Özil, leikmaður Arsenal á Englandi, hefur engan áhuga á því að yfirgefa félagið á næstunni.

Özil skrifaði undir nýjan samning í janúar en hann er einn af þeim sem eru margoft orðaðir við brottför.

Þjóðverjinn er mjög ánægður á Emirates og getur ímyndað sér að klára ferilinn hjá félaginu.

,,Af hverju ekki? Ég er ennþá ungur, ég er bara þrítugur,“ sagði Özil er hann var spurður út í hvort hann myndi enda ferilinn hjá Arsenal.

,,Það er allt mögulegt í fótboltanum en ég er mjög ánægður með að spila fyrir stórt félag eins og Arsenal. Ég nýt þess og get ímyndað mér að klára ferilinn hér.“

Özil kom til Arsenal fyrir fimm árum en hann skrifaði undir árið 2013 frá Real Madrid.