Fred miðjumaður Manchester United hafnaði því að ganga í raðir Manchester City, ástæðan er Jose Mourinho.
Fred segir að tækifærið að vinna með sigurvegara eins og Mourinho hafi verið of gott til að sleppa því.
,,Það er satt að ég fékk tilboð frá City og ræddi við samlanda mína um félagið,“ sagði Fred.
,,Þeir reyndu að sannfæra mig um að koma, það voru fleiri tilboð og eitt þeirra var frá United. Ég ákvað fljótt að þangað vildi ég fara.“
,,Mourinho er magnaður þjálfari og allir leikmenn vilja vinna fyrir svona sigurvegara. Ég læri af honum, hann er harður í horn að taka, það er hluti af þessu.“
,,Hann er vinalegur og fyndinn utan vallar, Jose var stærsta ástæða þess að ég fór til Manchester United. Ég er stoltur af áhuga hans á mér.“
