Liverpool tapaði sínum öðrum leik í Meistaradeildinni á tímabilinu í gær er liðið heimsótti Red Star frá Serbíu.
Þessi lið mættust í síðustu umferk riðlakeppninnar og þá hafði Liverpool betur örugglega, 4-0.
Red Star náði þó fram hefndum í gær og spilaði glimrandi leik. Liðið vann leik kvöldsins með tveimur mörkum gegn engu. Það er ljóst að Red Star er sterkt á eigin heimavelli en liðið gerði jafntefli þar við Napoli í fyrstu umferð.
Lazar Markovic leikmaður í eig Liverpool hefur gert allt vitlaust hjá stuðningsmönnum en hann líkar við færslur á Twitter sem fagna sigri Rauðu stjörnunnar.
Markovic er frá Serbíu og er úti í kuldanum hjá Liverpool. Þetta hefur reitt stuðningsmenn félagsins til reiði og vilja þeir Markovic í burtu í hvelli.