að var hart tekist á þegar Juventus tók á móti Manchester United í Meistaradeild Evrópu í kvöld.
United byrjaði með ágætum en fljótlega fór Juventus að taka undirtökin, það var svo Cristiano Ronaldo sem kom Juventus yfir. Hann hamraði boltann í net United í síðari hálfleik.
Allt stefndi í sigur Juventus þegar hinn snjalli, Juan Mata skoraði beint úr aukaspyrnu. Hann hafði komið inn sem varamaður í leiknum. Það var svo á 90 mínútu sem United tryggði sér sigur en það var sjálfsmark hjá Alex Sandro sem gerði það. United með sjö stig en Juventus með níu stig á toppnum. Bæði lið tryggja sig áfram í næstu umferð með sigri.
Eftir leik gekk Jose Mourinho, stjóri United inn á völlinn og var að biðja þá sem að efast um að halda áfram að tala. Leonardo Bonucci og aðrir leikmenn Juventus voru óhressir með hegðun hans en gæslan kom öllu í ró.
,,Í fallegri ítalskri borg þá gerðu þeir lítið úr mér í 90 mínútur,“ sagði Mourinho og átti þar við um stuðningsmenn Juventus sem voru að syngja um hann.
,,Ég gerði ekkert við þá, ég gerði bara smá. Ég virði Juventus, stjórann og leikmenn þeirra.“
,,Ég er mjög stoltur af mínum strákum, vonandi klárum við dæmið gegn Young Boys.“
Meira:
Sjáðu hvað Mourinho gerði eftir leik: Allt varð vitlaust