Zlatan Ibrahimovic, fyrrum leikmaður Manchester United, hefur greint frá því hvað hann sagði við Jose Mourinho, stjóra liðsins áður en hann yfirgaf félagið.
Zlatan var að jafna sig eftir erfið hnémeiðsli á seinna tímabili sínu á Old Trafford og var ekki upp á sitt besta.
Hann bauðst til þess að spila fyrir Mourinho en að lokum gæti hann ekki haft sömu áhrif og áður.
,,Þegar við ákváðum að eyða öðru ári saman hjá United þá bjóst ég ekki við vonbrigðum,“ sagði Zlatan.
,,Það leit allt vel út varðandi hnémeiðslin og það leit ekki út fyrir að ég þyrfti á eins mikilli endurhæfingu að halda og haldið var í fyrstu.“
,,’Ef þú vilt að ég spili þá mun ég spila en ég vil ekki valda þér vonbrigðum. Ég get ekki gefið þér það sem ég geri vanalega,’ sagði Zlatan svo við Mourinho áður en hann var farinn ekki löngu seinna.