Jurgen Klopp stjóri Liverpool hefur ekki áhyggjur af því í hvaða formi Roberto Firmino er.
Framherjinn hefur ekki verið að skora undanfarið, hann er með eitt mark í síðustu níu leikjum.
Það er hins vegar talið að Klopp muni skella honum á bekkinn gegn Rauðu stjörnunni í Meistaradeildinni í dag.
,,Hann leggur mikið á sig, stundum ganga hlutirnir upp og stundum ekki. Þannig virkar þetta,“ sagði Klopp.
,,Skoraði hann ekki í síðasta leik gegn Rauðu stjörnunni? Það er markið hans í þessum níu leikjum.“
,,Ég hef ekki áhyggjur, hann er mikilvægur leikmaður. Það verður allt í lagi.“