Rétt í þessu var Knattspyrnudeild ÍA að ganga frá samningi við Viktor Jónsson, samningurinn er til tveggja ára. Fótbolit.net sagði frá því í gær að líklegt væri að Viktor færi í KA, hann hefur hafnað liðinu til að fara ÍA sem eru nýliðar í Pepsi deildinni.
Viktor gengur til liðs við ÍA frá Þrótti Reykjavík þar sem hann hefur verið undanfarin tvö tímabil og skorað 35 mörk í 39 leikjum. Því er ljóst að Viktor verður gífurlega góð viðbót í hópinn fyrir komandi átök í Pepsi deildinni 2019.
Viktor sem er fæddur árið 1994 hóf sinn meistaraflokks feril með Víking Reykjavík, en hann á að baki 140 meistaraflokks leiki þar sem hann hefur í heildina skorað 68 mörk.
Jóhannes Karl segist himinlifandi með að samkomulag sé í höfn, en Viktor tekur í sama streng. Þessi viðbót í leikmannahópinn sýni metnað fyrir komandi verkefnum.