Miðjumaðurinn Birnir Snær Ingason hefur skrifað undir samning við Íslandsmeistara Vals.
Þetta staðfesti félagið í dag en Valur tilkynnti kaupin á Facebook síðu sinni og birti fyrstu myndina af Birni í treyju liðsins.
Birnir er aðeins 22 ára gamall og þykir efnilegur en hann spilaði með Fjölni í sumar og stóð sig með prýði.
Fjölnir hins vegar féll úr Pepsi-deildinni í sumar og ákvað Birnir að finna sér nýja áskorun fyrir næsta sumar.
Birnir spilaði alls 72 leiki fyrir Fjölni og gerði 13 mörk. Hann á einnig landsleiki að baki fyrir U21 lið Íslands.
Birnir gerir þriggja ára samning við Val sem hefur undanfarin tvö ár fagnað sigri í deildinni.
