Haukur Heiðar Hauksson leikmaður AIK í Svíþjóð er að yfirgefa félagið og hugurinn leitar heim.
KR, KA, Valur og fleiri lið hafa verið orðuð vð Hauk sem lék með KR áður en hann hélt út.
Haukur Heiðar var hluti af íslenska landsliðinu á EM í Frakkland en hefur síðan þá verið í kuldanum.
„Ég er náttúrulega mikill KA-maður og hef alltaf verið, svo það er alveg möguleiki á því, já,“ segir Haukur við Morgunblaðið og segist hafa rætt við íslensk félög
„Það gæti vel verið að ég komi til Íslands. Ég þarf að hugsa vel um hvað hentar mér best, og hafa hnéð mitt í huga líka. Á Íslandi er langt undirbúningstímabil og færri leikir, sem hentar mér vel. En svo að það sé á hreinu líður mér samt vel í hnénu. Svo er það þannig með minni liðin hérna í Skandinavíu að það er ekki mikill munur á þeim og liðunum á Íslandi,“ segir Haukur.