Srdjan Tufegdzic fyrrum þjálfari KA virðist vera eftirsóttasti þjálfari landsins miðað við fundina sem hann situr.
Túfa eins og hann er kallaður fundaði með bæði Fjölni og Grindavík um að taka við þjálfun liðanna. Samkvæmt Fréttablaðinu.
Þá hefur 433.is heimildir fyrir því að Túfa hafi fundað með Leikni í gær en liðið leitar að nýjum þjálfara.
Grindavík leitar að þjálfara en Óli Stefán Flóventsson hætti með liðið og tók við starfi Túfa hjá KA í fyrradag.
Fjölnir er fallið úr Pepsi deildinni og lét Ólafur Páll Snorrason af störfum í fyrradag.
Búist er við að Túfa taki ákvörðun um framtíð sína á allra næstu dögum en ekki náðist í hann við vinnslu þessarar fréttar.
Srdjan Tufegdzic hafði gert frábæra hluti með KA en hann kom liðinu upp í Pepsi deildina og hélt liðinu þar í tvö ár.
