Lionel Messi átti frábært kvöld í Meistaradeildinni í kvöld en eins og allir vita leikur hann með Barcelona.
Barcelona mætti Tottenham í riðlakeppninni í kvöld og hafði að lokum betur með fjórum mörkum gegn tveimur.
Messi skoraði tvö mörk fyrir Barcelona í sigrinum og var besti maður vallarins að mati margra.
Það er athyglisvert að skoða það að Messi hefur skorað fleiri mörk gegn stóru liðum Englands en fyrrum leikmaður Manchester United, Cristiano Ronaldo.
Ronaldo lék með United í sex ár í ensku úrvalsdeildinni en Messi hefur allan sinn feril leikið á Spáni.
Gegn sex bestu liðum Englands hefur Messi skorað 22 mörk og lagt upp önnur sjö.
Ronaldo hefur alls ekki náð eins góðum árangri en hann hefur skorað 14 mörk og lagt upp önnur sex gegn toppliðunum á Englandi.
