Jurgen Klopp, stjóri Liverpool, segir að sínir menn hafi átt skilið að tapa gegn Napoli í Meistaradeildinni í kvöld.
Liverpool tapaði 1-0 á útivelli í kvöld en sigurmark Napoli skoraði Lorenzo Insigne undir lok leiksins.
,,Ég hefði tekið jafnteflið en við áttum skilið að tapa svo það er óþarfi að skrifa heila sögu um það,“ sagði Klopp.
,,Við áttum okkar augnablik en skipulagið var ekki nógu gott trekk í trekk. Við færðum okkur í röng svæði og þurftum að vera rólegir.“
,,Við vorum að flýta okkur of mikið með boltann þegar við þurftum þess ekki. Við gerðum ekki nóg.“
,,Markalaust jafntefli hefði verið í lagi á útivelli en svo gerum við mistök áður en þeir skora. Við gerðum svipuð mistök gegn Chelsea.“