Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Dele Alli, leikmaður Tottenham, er nálægt því að skrifa undir nýjan samning við félagið. (Sky Sports)
Tottenham hefur einnig áhuga á að fá sóknarmanninn Malcom sem spilar með Barcelona en hann fær lítið að spila. (Corriere dello Sport)
Mousa Dembele, leikmaður Tottenhma, er efstur á listanum yfir leikmenn sem félagið vill losna við næsta sumar. (Sun)
Manchester United gæti enn átt möguleika á að fá Jordi Alba frá Barcelona í janúar en spænska félagið vill ekki bjóða honum nýjan samning fyrr en næsta sumar. (Diario Sport)
Ramon Calderon, fyrrum forseti Real Madrid, telur að Jose Mourinho muni á endanum snúa aftur til félagsins. (ESPN)
Ruben Loftus-Cheek hefur gefið í skyn að hann ætli ekki að fara annað á láni í janúar og vill halda áfram að læra af Maurizio Sarri. (Evening Standard)
Bayern Munchen hefur blandað sér í baráttuna um varnarmanninn Nikola Milenkovic hjá Fiorentina. Manchester United hefur einnig áhuga. (Calcio Mercato)
West Ham gæti borgað 33 milljónir punda fyrir Miguel Almiron, 24 ára gamlan miðjumann Atlanta United. (Ultima Hora)
Newcastle íhugar að reyna að ráða Leonardo Jardim, fyrrum stjóra Monaco en Leicester hefur einnig áhuga. (Le10Sport)
