Tottenham á Englandi hefur staðfest það að nýr völlur liðsins verði ekki klár fyrir lok árs.
Tottenham hefur lengi verið að vinna í því að gera nýjan heimavöll tilbúinn en ferlið gengur hægt fyrir sig.
Félagið stefndi á að leika heimaleiki sína á vellinum á þessu tímabili en annað kom á daginn í byrjun leiktíðar.
Tottenham hefur því notað Wembley völlinn til að spila heimaleiki sína líkt og á síðustu leiktíð.
Ekki verður hægt að nota Tottenham Hotspur Stadium fyrr en á næsta ári en óvíst er hvenær hann verður tilbúinn nákvæmlega.
