Það eru ekki allir leikmenn Liverpool sem fá mikið að spila þessa stundina en Jurgen Klopp, stjóri liðsins, breytir byrjunarliðinu ekki mikið.

Klopp ræddi um nokkra leikmenn í dag sem fá lítið að spila en hann er þó afar ánægður með frammistöðu allra á æfingum liðsins.

,,Divock Origi er mjög gott dæmi um leikmann sem spilar ekki of mikið en hann stendur sig frábærlega,“ sagði Klopp.

,,Dominic Solanke er líka að gera vel en enginn sér það því hann fær ekki að spila. Sama með Nathaniel Clyne og Alberto Moreno.“

,,Þú getur aðeins spilað mjög góðan fótbolta ef þú æfir vel og þú getur bara æft vel ef hópurinn er sterkur. Þeir eru allir sterkir.“

,,Ég gleymi Joel Matip. Hann myndi spila í 97 prósent liða í ensku úrvalsdeildinni og Bundesligunni. Ég er 100 prósent viss um það.“