Stjarnan í Pepsi-deild karla hefur gert samning við hinn 26 ára gamla Elís Rafn Björnsson.
Þetta staðfesti félagið í dag en Elís kemur til Stjörnunnar frá Fylki og gerir tveggja ára samning í Garðabæ.
Elís er fjölhæfur leikmaður en hann á að baki yfir 100 meistarafloikksleiki og spilaði níu leiki með Fylki í sumar.
Hann er uppalinn í Árbænum en var fáanlegur frítt eftir tímabilið í sumar og færði sig yfir til Stjörnunnar.
Elís er 26 ára gamall en hann hefur einnig reynt fyrir sér í háskólaboltanum í Bandaríkjunum.
