Thibaut Courtois, markvörður Real Madrid, hótar að kæra spænska blaðið El Pais sem birti frétt um hann í dag.
Þar átti Courtois að hafa rætt þá Antonio Conte og Jose Mourinho sem eru orðaður við stjórastarfið hjá Real.
,,Ég trúi þessu ekki. Ég er sá eini hérna sem hefur unnið með bæði Conte og Mourinho,“ var haft eftir Courtois.
,,Ég yfirgaf London til að þurfa ekki að standa í þessu aftur og nú er talað um að ef Conte kemur ekki þá kemur Mourinho.“
Belginn er bálreiður eftir þessa frétt El Pais og segir að það fréttin sé full af lygum um sjálfan sig.
Courtois þekkir vel til bæði Conte og Mourinho en hann vann með þeim báðum hjá Chelsea áður en hann fór til Spánar í sumar.
,,Ég vil harðneita þessum upplýsingum sem komu fram í El Pais í dag þar sem talað er um minn karakter,“ sagði Courtois.
,,Þarna voru lygar sem koma niður á mér sem atvinnumanni og ég mun sjá til þess að þetta verði tekið til baka með því að ræða við lögfræðinga.“