Ousmane Dembele, leikmaður Barcelona, kom sér í vesen í gær er liðið spilaði við Inter Milan.

Ernesto Valverde, stjóri Barcelona, kallaði til fundar á slaginu sjö og voru allir leikmenn mættir nema Dembele.

Dembele mætti 25 mínútum of seint á fund félagsins en þetta er ekki í fyrsta sinn sem hann kemur sér í vandræði á Spáni.

Búist var við að Frakkinn myndi byrja leikinn vegna meiðsla Lionel Messi en hann sat allan tímann á varamannabekknum.

Þeir Philippe Coutinho og Rafinha byrjuðu í stað Dembele sem kom til félagsins fyrir tveimur árum fyrir 105 milljónir punda.

Framtíð leikmannsins hefur verið í umræðunni en hann hefur ekki náð að sýna sínar bestu hliðar á Nou Camp.