Rio Ferdinand, fyrrum leikmaður Manchester United, var ekki hrifinn af spilamennsku liðsins í gær gegn Juventus.
Juventus vann 1-0 sigur í Meistaradeildinni á Old Trafford en stigin þrjú voru í raun aldrei í hættu.
Ferdinand talar um að leikmenn United hafi verið eins og strákar að spila gegn karlmönnum í Manchester.
,,Ef þú þyrftir að lýsa leiknum mjög snöggt þá voru þetta strákar að spila gegn karlmönnum,“ sagði Ferdinand.
,,Juventus var með yfirhöndina allan leikinn, á öllum stöðum. Hvernig þeir stilltu upp, hvernig þeir spiluðu, hversu ákafir þeir voru og gæðin á boltanum.“
,,Það var risa munur á þessum liðum þegar skoðað er gæðin á boltanum. Þeir voru rólegir með knöttinn og áttu skilið að vinna leikinn.“