Naby Keita, leikmaður Liverpool, vill ekki að stuðningsmenn félagsins horfi á sig sem ‘næsta Steven Gerrard’ félagsins.

Keita klæðist treyju númer átta á Anfield, númer sem Gerrard gerði frægt og þykir einn besti leikmaður í sögu Liverpool.

,,Þetta er goðsagnarkennt númer og það er tilfinningin þegar þú klæðist treyjunni,“ sagði Keita.

,,Treyjan var í eigu leikmanns sem er goðsögn hérna. Leikmanns sem var mjög virtur hérna.“

,,Ég ímyndaði mér þegar ég var ungur að spila fyrir frábært félag eins og Liverpool. Ég er hér í dag.“

,,Ég mun þó ekki vera eins og Gerrard því við erum ekki sama manneskjan. Hann skildi sitt eftir og ég vil skilja mitt eftir.“