Jose Mourinho, stjóri Manchester United, sá sína menn tapa á Old Trafford í kvöld er Juventus kom í heimsókn.
Aðeins eitt mark var skorað í Manchester en það gerði Paulo Dybala fyrir gestina í Juventus.
Stuðningsmenn Juventus sungu um Mourinho í lok leiks en þeir þekkja það ansi vel að mæta Portúgalanum.
Mourinho þjálfaði lið Inter Milan á sínum tíma áður en hann færði sig yfir til Spánar og tók við Real Madrid.
Mourinho vann þrennuna frægu með Inter á Ítalíu og hikaði ekki við að minna stuðningsmenn Juventus á það.
Mourinho lyfti upp þremur fingrum er stuðningsmenn sungu um hann, eins og hann gerði um helgina er United mætti Chelsea.
Mynd af honum í kvöld má sjá hér.