Paul Pogba, leikmaður Manchester United, horfir á Manchester sem heimili sitt frekar en Juventus.
Pogba vakti fyrst alvöru athygli með Juventus eftir að hafa samið við félagið árið 2012 en sneri aftur til United fjórum árum seinna.
Hann mætir svo sínu fyrrum félagi í kvöld er United og Juventus mætast í Meistaradeildinni.
,,Ég ræddi við bróður minn um þetta. Ég sagði ‘Ímyndaðu þér ef við yrðum dregnir í sama riðil og Juventus.’ Það er nákvæmlega það sem gerðist og það var mjög sérstakt,“ sagði Pogba.
,,Við höfum allir verið að senda skilaboð okkar á milli. Það fylgja þessu miklar tilfinningar því ég spilaði mitt fyrsta tímabil sem atvinnumaður hjá Juve og skoraði mitt fyrsta mark.“
,,Ég varð að þeim leikmanni sem ég er þar og virði félagið mikið. Ég er þó kominn heim. Ég kom í akademíuna hérna. Ég er heima og þetta verður alltaf heimili mitt.“