Jordi Alba, leikmaður Barcelona, vonar innilega að Julen Lopetegui muni halda áfram sem þjálfari Real Madrid.
Lopetegui er orðaður við sparkið þessa dagana eftir mjög slæma byjun á tímabilinu.
Alba þekkir Lopetegui vel en hann þjálfaði spænska landsliðið áður en hann var rekinn fyrir HM í Rússlandi í sumar.
,,Það var allt fólkið sem tók ákvörðun en á þeim tíma vildi Julen klára HM og skrifa undir hjá Real. Forseti knattspyrnusambandsins tók hins vegar aðra ákvörðun,“ sagði Alba.
,,Samband okkar er frábært. Mér þykir mjög vænt um hann því hann hjálpaði mér mikið og ég vona að hann haldi starfinu.“
,,Mér líkar kannski ekki við liðið sem hann tók við en hann á skilið að halda áfram því hann er frábær atvinnumaður.“