Leiðindaratvik kom upp á Old Trafford í kvöld þar sem viðureign Manchester United og Juventus er nú í gangi.
Eftir aðeins nokkrar mínútur þurfti að stöðva leikinn þar sem einn ölvaður stuðningsmaður hafði hlaupið inn á völlinn.
Hann virtist vera að leita að Cristiano Ronaldo, leikmanni Juventus, og vildi fá að ræða við Portúgalann.
Öryggisverðir voru ekki lengi að klófesta manninn og fylgdu honum af vellinum og er hann nú í töluverðu veseni.
Það var þó ekki áður en þessi ágæti maður fékk að taka í hönd Ronaldo sem virtist þó ekki vera of hrifinn af þessari tilraun.
Mynd af því má sjá hér fyrir neðan.