Diego Maradona, goðsögn Argentínu, telur að Lionel Messi eigi ekki að bera fyrirliðaband argentínska landsliðsins.
Maradona ræddi um Messi fyrr í mánuðinum og sagði hann vanta leiðtogahæfileika. Einnig talaði Maradona um að það væri ómögulegt fyrir leikmann sem ‘fer á klósettið 20 sinnum fyrir leik’ að vera leiðtogi liðs.
Maradona hefur nú tjáð sig aftur Messi og talar um leikmanninn sem vin sinn og að það séu engin vandræði til staðar.
Maradona segist ekki hafa nefnt Messi í sambandi við klósettferðirnar og vill meina að fjölmiðlar séu að búa til vesen.
,,Ég veit alveg hver Leo er. Ég veit að hann er besti leikmaður heims,“ sagði Maradona.
,,Ef ég sagði að leikmaður færi á klósettið 20 sinnum fyrir leik, þá nefndi ég aldrei Messi.“
,,Þeir vilja skapa vandræði á milli mín og Messi en þeir geta það ekki. Vinátta mín og Messi er stærri en allt sem þeir geta skrifað. Ég segi að hann sé sá besti í heiminum.“