Central Coast Mariners hefur boðið Usain Bolt samning um að leika með liðinu en þar hefur hann verið á reynslu.
Fleiri samningstilboð hafa borist til Bolt sem langar að gerast atvinnumaður í fótbolta.
Bolt er 32 ára gamall og var á sínum tíma fljótasti einstaklingur í heimi, hann var spretthlaupari.
Bolt hefur alltaf talað um draum sinn að spila fótbolta og dreymir um að gera það með Manchester United.
Bolt skoraði tvö mörk í æfingaleik með Central Coast Mariners á dögunum og félagið vill nú semja við hann en fleiri lið hafa gert honum tilboð.
,,Félagið hefur boðið Usain samning en ég get ekki sagt neitt meira,“ sagði umboðsmaður hans.