Sadio Mane, leikmaður Liverpool á Englandi, nær næsta leik liðsins í Meistaradeildinni gegn Red Star.
Þetta segja enskir miðlar í kvöld en Mane var ekki með Liverpool gegn Huddersfield um helgina.
Framherjinn meiddist með Senegal í landsleikjahléinu en hann puttabrotnaði og var frá í nokkra daga.
Meiðslin eru hins vegar ekki of alvarleg og verður Mane í hóp þegar Meistaradeildin hefst í vikunni.
Það eru gleðifréttir fyrir Liverpool en Mane er einn allra mikilvægasti leikmaður liðsins.