KSÍ hefur staðfest ráðningu sína á næsta kvennalandsliðsþjálfara, það er Jón Þór Hauksson sem tekur við starfinu.
Jón Þór var síðasti þjálfari hjá Stjörnunni í Pepsi deild karla en áður starfaði hann hjá ÍA. Ian Jeffs mun aðstoða hann.
,,Ég er spenntur, þetta eru frábærir leikmenn, Frábært lið, ég hef komið að starfi í uppbyggingu í karla og kvennafótbolta. Ég hef víðtæka reynslu,“ sagði Jón Þór.
,,Ég hef aldrei skilgreint mig sem karlaþjálfara eða kvennaþjálfara, ég er knattspyrnuþjálfari. Verkefnin geta verið mismunandi, mismunandi leikmenn Ég get ekki séð mun á milli karla og kvenna, fótbolti er fótbolti. Ég þarf að kynnast leikmönnum og þeir mér.“
Jón Þór setur stenfuna á Evrópumótið árið 2021.
,,Við Íslendingar erum komnir á þann stað, að komast á lokakeppni EM og HM. Það hefur verið frábær árangur undanfarið, það er okkar markmið.“
Jón Þór á eftir að ræða við leikmenn liðsins. ,,Ég hef ekki heyrt í þeim, það er næst á dagskrá.“