Manchester City er ekki tilbúið að vinna Meistaradeildina segir stjóri liðsins, Pep Guardiola.
City vann Englandsmeistaratitilinn sannfærandi á síðustu leiktíð en datt úr leik í deild þeirra bestu gegn Liverpool.
,,Ég fæddist í Barcelona og ólst þar upp. Þegar ég byrjaði þá gat ég bara lifað af með því að vinna,“ sagði Guardiola.
,,Ég lærði það þó líka að þegar þú vinnur ekki þá heldur lífið áfram og þú munt fá annað tækifæri.“
,,Það sem ég sá frá mínu liði á síðustu leiktíð, ef ég á að vera hreinskilinn þá erum við ekki tilbúnir.
,,Þannig líður mér. Það þýðir ekki að við munum ekki reyna en til að vinna þessa keppni er ekki nóg að vilja vinna hana. Þú verður að vera með reynslu.“
