Chelsea á Englandi mun spila við Derby County í enska deildarbikarnum í næstu viku en leikurinn fer fram á Stamford Bridge.
Stjóri Derby er enginn annar en Frank Lampard en hann er í guðatölu hjá Chelsea og spilaði lengi með félaginu.
Í síðasta mánuði var greint frá því að þeir Mason Mount og Fikayo Tomori mættu ekki spila með Derby í leiknum.
Leikmennirnir tveir eru í láni hjá Derby frá Chelsea og hafa spilað stórt hlutverk undir Lampard á leiktíðinni.
Chelsea hefur nú tekið U-beygju og hefur ákveðið að gefa Lampard grænt ljós á að nota leikmennina.
Þetta staðfesti félagið í dag og verða því allir leikmenn Championship-liðsins klárir í þetta erfiða verkefni.