Iker Casillas, markvörður Porto, hefur nefnt þá tvo markmenn sem hann telur vera þá bestu í heimi í dag.
Mikið er rætt um hver sé besti markvörður heims en þeir Manuel Neuer og David de Gea eru taldir tveir bestu af mörgum.
Báðir leikmennirnir hafa þó ekki verið upp á sitt besta á tímabilinu og eru ekki þeir bestu að mati Casillas.
Casillas nefnir Jan Oblak, markvörð Atletico Madrid og Marc-Andre Ter Stegen sem ver mark Barcelona.
,,Ef við horfum á alla markverð heims um þessar mundir þá eru þeir í efstu tveimur sætunum,“ sagði Casillas. ,,Þeir eru að upplifa frábæra tíma.“
Casillas þekkir bransann mjög vel en hann eyddi 25 árum hjá Real Madrid áður en hann fór til Portúgals.