Katar er á fullu að undirbúa land sitt fyrir Heimsmeistaramótið sem fram fer eftir rúm fjögur ár í landinu.

Það hefur verið umdeilt að Katar haldi mótið, fjöldi verkamanna hefur látist og búa þeir við slæmar aðstæður og kjör.

Einnig mun mótið í fyrsta sinn fara fram í desember en ekki að sumri til eins og venjan er, ástæðan er of mikill hiti í Katar að sumri til.

Katar undirbýr sig undir að taka á móti fjölda gesta og telur að til þess þurfi um 80 þúsund herbergi til að gista í.

Ekki verður hægt að byggja svo mörg hótel en Katar hefur fundið lausn, 20 þúsund herbergi verða í boði á skemmtiferðaskipum.

Snekkjur verða því út um allt enda er svæðið þar sem leikirnir fara fram ekki stórt.