Massimiliano Allegri, stjóri Juventus, segir að leikur liðsins gegn Manchester United í næstu viku hafi haft áhrif á leikmenn liðsins í gær.
Juventus gerði óvænt 1-1 jafntefli við Genoa eftir að hafa komist yfir. Genoa jafnaði metin í síðari hálfleik eftir að leikmenn Juventus höfðu slakað á.
Allegri segir að sínir menn hafi verið að hugsa um leik gegn Manchester United í Meistaradeildinni sem fer fram á þriðjudag.
,,Við hættum að spila eftir góða byrjun. Við fengum á okkur mark bara útaf einbeitingarleysi,“ sagði Allegri.
,,Það er staða sem á ekki að koma upp. Þú getur unnið eða tapað titlinum á svona leikjum.“
,,Við vorum að spila og hausinn var í Manchester. Við þurftum að vinna. Við vorum ógnandi og svo vorum við sofandi.“
