Þeir Eden Hazard og Willian, leikmenn Chelsea, treysta ekki samherja sínum hjá félaginu, Alvaro Morata.

Þetta segir Ruud Gullit, fyrrum leikmaður liðsins en Morata hefur verið í töluverðu basli á leiktíðinni.

Gullit telur að Hazard og Willian vilji ekki gefa á Morata og vilji frekar finna aðra leið að marki andstæðingsins.

,,Þeir koma sér ekki í stöður þar sem þeir geta skapað eitthvað fyrir hann,“ sagði Gullit við beIN Sports.

,,Það versta við þetta er að Willian og Hazard rekja alltaf boltann því þeir treysta honum ekki.“

,,Það er erfitt fyrir framherja að spila með þessum tveimur leikmönnum sem sækja inn á völlinn, þú veist ekki hvert þú átt að fara.“

,,Líka þegar fyrirgjafir koma inn, það kom augnablik í fyrri hálfleik þar sem þú hugsaðir ‘hvar er Morata?’ Hann var ekki þarna svo þeir treysta honum ekki.“