Real Madrid íhugar nú að reka hinn spænska Julen Lopetegui úr starfi eftir hörmulegt gengi undanfarið.

Lopetegui tók við Real í sumar en gengið undir hans stjórn hefur ekki verið gott og er starfið í hættu.

Lopetegui og félagar í Real mættu Levante á Santiago Bernabeu í gær og töpuðu 2-1. Liðið hefur skorað eitt mark í síðustu sjö leikjum sínum.

Samkvæmt spænskum miðlum er Real með mann í huga sem gæti tekið við af Lopetegui.

Það er fyrrum miðjumaður liðsins Guti sem starfaði lengi hjá félaginu eftir að skórnir fóru á hilluna.

Guti yfirgaf þó Real í sumar til að fara til Besiktas þar sem hann starfar sem aðstoðarþjálfari.

Guti minnir stjórn Real á Zinedine Zidane sem lék einnig með félaginu og fór síðar í þjálfarateymið. Hann náði svo frábærum árangri með aðalliðið.