Ed Woodward, stjórnarformaður Manchester United og Jose Mourinho, stjóri liðsins, eru ekki á sömu blaðsíðu þegar kemur að leikmannakaupum félagsins.

Duncan Castles, virtur blaðamaður the Times, fjallar um málið í dag og ræðir samband tvímenningana.

Mourinho er með plön um að fá varnarmann til United í janúarglugganum en tveir leikmenn koma til greina.

Það eru þeir Kalidou Koulibaly hjá Napoli og Nikola Milenkovic hjá Fiorentina eru á óskalista Mourinho.

Portúgalinn er staðráðinn í því að United þurfi á varnarmanni að halda og skoðar það að fá annan leikmanninn.

Woodward er þó ekki á sama máli og Mourinho og er ekki tilbúinn að eyða risaupphæð í leikmann í janúarglugganum.

Castles segir að Mourinho ráði litlu sem engu þessa stundina og sér þá einnig sjálfur um að njósna um leikmenn sem gætu mögulega komið inn.

Það verður fróðlegt að sjá hvernig málin verða leyst en samband Mourinho og Woodward hefur ekki alltaf þótt vera gott.