Jurgen Klopp, stjóri Liverpool, hefur útskýrt af hverju hann tók Jordan Henderson af velli í hálfleik í gær.
Liverpool heimsótti Huddersfield í ensku úrvalsdeildinni og hafði betur með einu marki gegn engu.
Henderson spilaði ekki of vel í fyrri hálfleik og fór útaf fyrir Georginio Wijnaldum í leikhléi.
Klopp segir þó að Henderson hafi verið tekinn af velli því hann fann fyrir smá verk í fyrri hálfleiknum.
,,Ég vona að þessi skipting hafi bara verið til öryggis. Hann fann fyrir einhverju en ekki miklu,“ sagði Klopp.
,,Það er gott merki frekar en slæmt. Við ákváðum að halda ekki áfram. Vonandi er þetta ekkert.“
